Collection de rimes

Vous trouverez sur cette page des poésies créées par Titto Limongi et ses élèves lors de différents ateliers. Ces poésies pourront vous inspirer quant à l'utilisation des rimes.

  • 12/06/09

U mo maestru traavaglia

In scola tutti i ghjorni

Parte à fà a battaglia

Cun lezzioni in i scorni

È dà una punizione

À chì face discussione.

 

  • 15/05/09

Oghje ùn ci hè micca sole

Ma ci hè appena di ventu

Oghje face ancu u fretu

U sole ne hà u pientu

Piove piove in e Piazzole

È candelle ci n’hè centu.

 

  • 17/04/09

In a nostra bella scola

Ci sò parechji zitelli

Travaglianu tutte e mane

Incù mine è pinnelli

È sè voi ùn la sapete

Venite à cantà cun elli.

 

  • 20/11/08

E dopu à u veranu

S’affaccherà l’estatina

Si senterà da luntanu

Ch’ella canta a ghjallina

Noi sempre cun a manu

Piglieremu a pratellina.

 

Ottobre hè quellu mese

Chì cugliemu e castagne

Ingiru à u paese

Cullemu per ste muntagne

Cun zitelle è zitelli

Empiimu tanti spurtelli.

 

Oghje mettimu e veste

Perchè hè ghjuntu u fretu

Sò guasi bianche e muntagne

Di davanti è di daretu

E spassighjate in fureste

Piatteranu ogni secretu.

 

Quand’ellu vene Vaghjime

Scambia tutta a natura

L’aria fala da e cime

Eppo corre cusì pura

Sta stagione dà e rime

A natura hè matura.

 

  • 20/11/08

 Quandu ghjunghje u veranu

Ne sbuccianu tanti fiori

Per ogni ortu ogni pianu

Portanu i so odori

E cun mazzuli in manu

Canteremu i nostri amori.

 

  • 07/06/09

Ma oghje chì bellu tempu

Chì bellissima ghjurnata

È ùn ci n’hè micca ventu

Ci feremu una cantata

Ancu u sole hè cuntentu

Si face una risata.

  •  13/09

Hè passata a rientrata

L’anu dettu i zitelli

Si facenu una cantata

Ind’è l’arburi, l’acelli

Hè l’ora di a risata

Cun chitare è riturnelli

 

  • 20/09

Per u mese di settembre

U sole hè sempre quì

E cum’ellu resta sempre

Cuntinueghja à schjarì

E u so calore giallu

Ci rigalla un rasgiu caldu.

 

  • 27/09

E l’Estate si ne và

Perchè ghjunghje u Vaghjime

Per u sole basterà

Hà finitu e so rime

A Vaghjime di piglià

E muntagne è e cime.

 

  • 4/10

E oghje face u ventu

Chì soffia in a muntagn

U sole ùn hè cuntentu

Oghje pienghje è si lagna

Soffia cum’è un strumentu

Face cascà a castagna.

 

  • 9/11

Oghje ùn ci hè più castagne

Perchè ci sò i cignali

Chì campanu in e muntagne

Accantu à i fiuminali

E à noi in paese

Un ci facenu rigali.

 

  • 18/03

Femu una puesia

Per cummincià a ghjurnata

Ci andemu nant’à a via

Chì chjama una risata

A sera à quattr’ore è mezu

Ci femu una cantata.

 

  • 21/03

U Veranu cun u sole

E i canti di l’acelli

Ci contanu tante fole

E i ghjorni sò più belli

Hè a festa di i fiori

E di tutti i culori.

 

  • 12/04

Eiu campu in Pariggi

Perm è si passa cusì

Presidente hè un travagliu

Duve ci vole à capì

U mo nome hè Niculaiu

Di casata Sarkosy.

  • 10/05

Eiu sò u presidente

Campu in a Casa Bianca

M’occupu di quella ghjente

E cun una manu franca

Tutte e donne sò cuntente

Ma a mo moglia hè stanca.

 

Eiu campu in Uascintone

E mi piace à manghjà

A pulenda è u fidone

Ma mi face ingrassà

Portu sempre un pilone

E mi chjamu Obbamà.

 

  • 06/11/11

Acqua è ventu

Oghje ci hè acqua è ventu

Eppo dumane dinù

Sona cum’è un strumentu

Chì noi ùn vulemu più

Ma dopu à quella timpesta

Feremu una bella festa.

  • Natale

Eccu a notte di Natale

Femu tutti una festa

A cena ùn hè mancu male

Manghjemu è ùn ne resta

Aspettemu i rigali :

I nurmali è i speziali.

  • 25/11/11

U ventu porta u fretu

E si vede ancu e stelle

Otantu ci hè un secretu

Piattu nentru à e granelle

Per a Santa Catalina

Si pianta è si camina.

 

Aspettendu a neve

A neve ùn vene mica

Eppo noi l’aspettemu

Annant’e cime s’appicca

Ma noi quì a vulemu

Chì sè a nivaghja hè ricca

Tutti inseme ghjucheremu.

  •  Pace è Salute

Cummencia a nuvella annata

Hè u primu di ghjennaghju

Femu u giru di e case

E femu un bellu viaghju

« Pace è salute » in paese

Sin’u mese di ferraghju 

    •  09/01/12

    Cun una branca d’alivu

    Avanzemu in paese

    In a Corsica regina

    Cun e nostre rime tese

    Si dice ancu Bon principiu

    Ste parulle sò intese.

     

    • U lupu

    Salute o Cappuccinella

    Dimmi induve tù vai

    Scumettu ind’è Mammatone

    Ma tù ùn ci ghjunghjerai

    Piglia u mo scurtatoghju

    Hè megliu chè quellu ch’ai.

     

    • Cappuccinella Rossa

    Ti salutu o sgiò Lupu

    Ùn vogliu u to scurtatoghju

    Iè, vò ind’è Mammone

    Campa ind’un bellu alloghju

    S’eo pigliu a mo strada

    Ùn ci serà capatoghju.

     

    • 15/09/11

    Avà chì settembre hè ghjuntu

    A cosa hè ben spiecata

    Simu tutti à u puntu

    A cosa hè ben’ regulata

    Per fà ne un riassuntu :

    Cummencia a rientrata.

     

    • 29/09/11

    A fine di u mese

    Hè u mese di settembre

    E appruntemu e veste

    Hà finitu e so rime

    E hà finitu e so feste

    Tutti i zitelli sò pronti

    A empiene e so teste.

     

    • Chjam’è Rispondi

    M : Cantate ciò chì vi pare

    Voi ùn ci pudete sorte

    Ne andà sin’à u mare

    Ch’aghju da chjode e porte

    Incù e mo rime care

    Ne sò eiu u più forte.

     

    Z : Un sì micca u più forte

    Ma tù ùn sì mancu male

    Ancu s’ùn pudemu sorte

    Noi femu un Carnavale

    E nostre rime ùn sò storte

    Festighjemu ancu à Natale.

     

    • A rientrata

    Oghje andemu à a scola

    Ritruvemu à u maestru,

    Ritruvemu i nostri amichi

    Eppo tuttu u nostru estru

    Per amparà o ghjucà

    Tutt’ognunu serà lestru.

     

    • I funghi

    Dopu à acqua è sole

    Empieremu i spurtelli

    Per isse strade muntagnole

    Sceglieremu i funghi belli :

    Capineri è ghjallistorzi,

    Buletri eppo albitrozzi.

     

    • E castagne

    Cuglieremu e castagne

    Quassù sopr’à e Piazzole

    Ind’è ste belle muntagne

    Quandu chì sorte u sole

    E quandu vene a notte

    Manghjeremu e ballotte.

     

    • Frutti è legumi

    Simu à u mese d’ottobre

    E manghjemu e castagne,

    E mele, e pere è i bachi,

    Ci n’hè per tutt’e muntagne.

    Cuglieremu pomi è zucche

    Eppo colpi di macagne !

    • 23/10/12

    A signora di a furesta

    Campa in una casuccia

    Per ella ùn ci sò secreti

    È ùn hè più una ciuccia

    Cunnosce i funghi pueti

    È ancu u fiore chì sbuccia

    Sott’à quell’arburi chieti.

     

    • A clementina

    Eiu sò a clementina

    Aranciu hè u mo culore

    Di l’agrumi sò cugina

    Eppo sparghje u mo odore

    Dò più d’una vitamina

    Incù tuttu u m’amore.

     

    • Natale

    Hè a notte di Natale

    Appruntemu l’arburellu

    Per un rigalu speziale

    Hè cuntentu ogni zitellu

    Chì mai ùn ne vole male

    U mumentu serà bellu.

     

    Un mumentu cusì bellu

    Duve a gioia sparghje l’ale

    Dolce cume un agnellu

    Ùn truverete l’uguale

    Luce quant’è un gioiellu :

    Hè a notte di Natale.

     

    • Cuntrasti

    Eiu per quessu Natale

    Aghju fattu una scrittura

    L’aghju mandata per posta

    Senza avè mancu paura

    È ciò ch’aghju cummandatu

    Hè una bella vittura.

     

    A to spezia di vittura

    Ùn vale mancu un bumbò

    Sè pigliemu a misura

    Hè tamant’una mottò

    Ancu eiu aghju cummandatu

    Ma aspettu un camiò…

     

    Tù aspetti un camiò

    Chì ùn vale mancu un francu

    Sè no femu una battaglia

    U to camiò sera stancu

    Perchè aghju cummandatu

    Per Natale un bellu tancu.

     

    Tù aspetti u to tancu

    Ma ùn serà tantu bellu

    Ùn pò micca navigà

    In mare o in fiumicellu

    È u meu u rigalu

    Serà un grande battellu.

     

    Tù incù u to battellu

    Ùn ferai udissea

    In celu ùn anderai

    Cacciatitu da l’idea

    Perchè eiu averaghju

    Per Natale una fusea. 

    • Chjam’è Rispondi

    Quantu seria cuntentu

    Seria vera allegria

    Di sente per un mumentu

    Una bella puesia

    Detta cun estru è talentu

    Da l’amica Eludia

     

    Feraghju una puesia

    Sè tù ùn voli chè què

    Si chjamerà « Allegria »

    Ùn circate u perchè

    Serà colma d’armunia

    Ghjustu per fatti piacè.

     

    • Aprile

    Quandu s’affacca Aprile

    Incù un sole felice

    Hè un tempu veranile

    Tutta a natura a dice

    Ma ci sò i prestaticci

    Chì ci facenu capricci.

     

     

     

     

     

     

     

     

     

     

     

     

    •  
    •